أمتع لحظات الدنيا

كتبها : Mido Mshakel .. راجعها : الدرعمية

عندما تذهب وتتوضأ لتنم طاهراً ،،،، تجد نفسك بين احساسا مختلف للنوم ،،،،، تجد النوم دافئا فتغرق فيه
واذا بك تسمع صوت هاتفاً يناديك برقه ممتذجه بالعظمه والقدسيه ،،،،، انه قرآن الفجر
فتشعر باستقاظة مختلفة هي الاخري؛ يخامرك النشاط والإنتعاش ويدق قلبك دقات الحب المختلط بالخشية من الله ،،، ،،،،، وكأنه صوت الملائكه تيقظك بأنفاسها الحنونه ،،، وكأن الكون يسبح من حولك

ولعل هذا الحب استوقفني كثيرا ،،فما اروعه من حب ٍِ .. وأجله من محبوب

تذهب للتتوضأ ،،، وتغمر وجهك بمياه تمحي الذنوب والأثام وإذا بعينك تقع على المرآة فتجد وجهك منيراً بنور التقوي ،،، فتشعر بالسعادة،،

ثم تنزل من بيتك متجها لبيت خالقك وحبيبك ،، هاهو صوت الهاتف يتلون بصوت المنادي،، إنه يناديك أنت ،، نعم أنت ،يناديك بصوته الحاني الرقراق،،، وتداخل الاصوات
وتجد الدنيا قد امتلأت بتكبيرات الحق كلٌ يتسابق

الله أكبر .. الله أكبر .. الله أكبر الله أكبر

نعم الله أكبر..
الله اكبر الله اكبر … الله اكبر الله اكبر
اشهد أن لا إله إلا الله … أشهد أن لا إله إلا الله
أشهد أن محمد رسول الله … أشهد أن محمد رسول الله
حي على الصلاة … حي على الصلاة ………

فما منك إلا وقد ازددت لهفةً وشوقاً لبيت الله والوقوف أمام الخالق العظيم ،،، وكلما قرعت بقدمك أرضاً .. ودق لك نبضاً .. وسبحتَ بفاهِك َمولىً .. ازددت من الله قرباً

تجد الملائكة وقد وضعوا أمام عينيك لوحة شريفة من قول الرسول (ص)

وما أشرفها من لوحات .. وأشرفه من قائل

” بشر المشائين فى الظلم إلى المساجد .. بالنور التام يوم القيامة “

فتقترب من باب المسجد وأنت متيقن بأنهم في انتظارك ،،، هاهم .. هاهم الملائكة واقفون أمام باب المسجد
يكتبون في دفاترهم فلان ابن فلان حضر للمسجد في وقت كذا ،وترتيبه فيمن دخلوا المسجد كذا ،وجزائه عند ربه كذا وكذا ،،، فترتسم البسمة على وجهك ويزداد نورا ًعلى نور

ثم تدخل بقدمك اليمنى وتدعو بدعاء الدخول وتصلي ركعتين ثم تجلس واللهفه في عينك تزيد وتزيد وتقول  هيا يا إمام .. هيا يا إمام ..أرحنا بها يا إمام ..أرحنا بصلاة الفجر .. فيقوم الإمام ليقيم الصلاه فيفرح قلبك

وتنطفض أنت من جِلستك وتقف في صفوف المصلين ، وتسمع صوت الإمام ي قائلاً : الله أكبر ،فتكبر من خلفه، وترمي همومك خلف ظهرك وتنصت الي صوت الهدايه، صوت القرآن ، كلام الله
فيطمئن قلبك وتزاد خشية وإيمانا ( ألا بذكر الله تطمئن القلوب )

صدقت يا إلاهي ،،، من سواك أخاف بعد أن أتاني الحق المبين ،،، من سواك أخاف وأنت القادر والعاطي والمانع

وبعد ان تنتهي الصلاة تعود وتمشي في صفوف المشائين في الظلم وتعود لمنزلك وكلك أمل للعوده غداً في نفس الوقت داعيا من الله ألا يحرمك تلك المتعه

فما أجملها من متعة، وأجلَّه من فرض .. وتالله لو كان اختياراً .. وشعرت بجلاله القلوب لفرضته على أبدانها فرضاً ،،،

إلاهي .. ما أعظمك من إله تفرض علينا ما يشعرنا بمتعة الدنيا ويجعل الحياة تزداد نوراً على نور

إلاهي إني أدعوك بكل اسم سميت به نفسك ….

إلاهي إني أدعوك بعدد كل عبد ركع لك

إلاهي إني أدعوك بعدد كل ركعة ركعها لك مؤمن …

إلاهي إني أدعوك ألا تحرمني من تلك المتعة مادمت حيَّا

إني أدعوك وأعلم أنك ربنا سميع مطلع مجيب الدعوات ..

شكر خاص لأختي الكريمة : الدرعمية

و أنـــــــا علـــ كرسي الاعتراف ــي !!..

زمان أول لما الانتر نت كان اختراع بالنسبة للمصريين ,, ظهر معاه شغل التصنع والتجمل وكان ناس كتير اوي ماشية على نهج احمد ذكي في فيلم ” انا لا أكذب ولكني اتجمل “

وكنت ممكن تفضل تكلم واحد على الشات على انه بنت وفي الآخر قد يتضحلك انه ولد والعكس صحيح ” قد يكون الكلام دا موجود دلوقتي من بعض الاطفال او ناقصي العقل “

بعدها ظهر نظام المنتديات وتقريبا دلوقتي مافيش منتدى اجتماعي بوجه عام مافيش فيه موضوع كرسي الاعتراف ويمكن كمان موجود في بعض المواقع المتخصصه في البرامج ودعم المواقع والمنتديات الفنيه والي آخره

الموضوع غالباً ما يكون هدفه معرفة المذيد عن شخصية العضو المختار مما يساعد على فهمه طريقة تفكيره واسلوبه في الحياة واهدافه ،، وقد يعطي الموضوع مجالا اكثر لاكتساب الخبرات في تحليل الشخصيه ان كان العضو صادقاً فيما يقول

دي كانت المقدمة عن الموضوع

يمكن يكون الموضوع اقصر من المقدمة لكنه اهم ….

وانا في احدى المنتديات الاخري سألتني عضوه سؤال وكان كالتالي : ” هل انت تفعل ما تقوله هنا بالمنتدى ؟ ”
وعلى الرغم من اني كنت فاهم السؤال إلا اني ارتبكت بعض الشيء وعلشان ادي لنفسي فرصه افكر في الاجابه قولتلها توضح سؤالها اكتر وكان ردها عليا ” اية ياميدو السؤال واضح… يعنى اى حاجة بتكتبها سواء كانت نصيحة او جمله فى موضوع كتبته مثلا بتعمل بيهم؟؟؟ “

طبعا على ما هي وضحت كنت انا جهزت اجابتي اللي اقتنعت بيها بعد التفكير
اللي هي كانت ” لئه ”

ووقتها بالظبط تذكرت قول الله عز وجل {يَا أَيُّهَا الَّذِينَ آمَنُوا لِمَ تَقُولُونَ مَا لا تَفْعَلُونَ * كَبُرَ مَقْتًا عِندَ اللَّهِ أَن تَقُولُوا مَا لا تَفْعَلُونَ} [الصف: 2 - 3].
وبجد حزنت جداً مش لنفسي وبس …….. ” نكمل “

طيب على اي اساس بنيت اجابتي ؟!..

اولا مسكت كل المواضيع اللي قعدت فيها على كرسي الاعتراف ” او على الاقل اللي قدرت اجمعها حوالي 9 مواضيع “

مسكت الاسئلة لقيت ان معظمها مشابه لكن لما مسكت الاجابه لقيتها تختلف اختلاف جزئي ولكن كبير

وعلى الرغم من ان كنت من اكثر من يعيبوا على من يتصنع شخصية على الشبكة ليست مثل شخصيته الآن اصبحت منهم ؟!..
ام ان مرور العمر يجعل كلٍ منا ينضج عقله او تختلف ظروفه وطريقة تفكيره ؟
ام ان الستار الحاجز بيننا وبين الناس يجلعنا نخدعهم بعالم الخيال العالق بأذهاننا ونتمناه لانفسنا ؟

قد لا يقتصر هذا الخداع على موضوعات كرسي الاعتراف فحسب ولكنها قد امتدت لموضوعات اخري كثيره يقول فيها العضو رأيه او نصيحته او مجموعه من الاسئله تتاح امامه ليجيب عليها

وعليه … قررت الابتعاد بقدر الامكان عن الاجابه على اسئله من شأنها اظهار شخصيتي حتي لا اخادع نفسي قبل الجميع ” فحقاً انا لا اعرف حتى هذه اللحظه ان كان ما اقوله صدقاً عني ام اخادع نفسي والأخرين “

اتمني يكون في نقاش جاد وصادق في هذا الموضوع وكل واحد يكلمنا عن مروره بنفس التجربه

استرجل اشرب بيريل

طبعا في ناس ما تسمعش عن ادينا بندردش اصلا … دي يا شباب ببساطه مدونتي بكتب فيها اي حاجه بتستفزني في مجتعنا المستفز اصلا

بس بما اني مستفذ على طول الخط من كل حاجه في المجتمع العربي فاحصل عندي زحمة احداث

وعلى الرغم من اني فكرت كتير جدا ارجع للتدوين الا اني في كل مره ما كنتش بلاقي حدث يستاهل الكتابه اصلا

الا اني من كام يوم كدا او كام اسبوع .. معدي من قدام التلفزيون لقيت واحد بيقول للتاني تقريبا اخر حاجه تفكر تقولها عن البنت هي شخصيتها وبعدين جه واحد قال جملة عجيبه اوي ” استرجل اشرب بيريل ”

المهم ما اخدتش واديت قولت يمكن يكون برنامج كومدي استظرافي ع الصبح

بعدها بكام يوم بتفرج على التلفزيون لقيت اعلان بقى المره دي من اوله لأخره بس مش فاكره يعني

اللي فاكره من الاعلان جملة ” استرجل اشرب بيريل ”

سؤالي ببساطه

ايه جاب الرجوله لشرب البيرل دي ؟

انا على ما اتذكر ان اخر مره شوفتها اصلا كنت صغير وكنت تعبان

وقالولي لازم تشرب شعير جابولي بيرل دا شربت منها بق والباقي كان مرمي في الحوض

تفتكروا يا جماعه اكون لحقت اخد شوية رجوله ؟

بجد حاجه مستفذه جدا جدا جدا جدا لدرجة الاشمئزاز

ايه دا ؟

ايه دا بجد ؟

هو احنا بقينا كدا

يعني انا خايف بكره يجي ابني يقولي بابا انا عاوز كاس وسكي عشان ابقى راجل

او احتمال الاقيه بيشربها من غير استئذان

ازاي الرقابة تسمح بماده اعلاميه اسوأ من سيئه بالدرجه دي ؟

بجد شيء مستفذ ويثير الغضب بطريقة لا تطاق

ما عنديش كلام تاني اقوله لان القذاره دي اصلا الكلام عليها كتير

على فكره انا اترددت كتير جدا ان تكون عودتي للتدوين بعد الغياب دا كله يكون عن حاجه زي دي

بس لما عملت بحث في جوجل عن كلمة استرجل اشرب بيريل لقيت الناس فاضلها شوية وهاتكسر الكيبورد من كم الاستفزاز

يعني الحمد لله ان لسه في ناس بتغضب من الرذيله دي

ويلا بلا وجع قلب …. وأدينا بندردش

تحيا غزة يا حاملين ذنوبي

الحقيقة مش عارف ابدأ منين ولا اقول ايه

بس الموضوع ببساطة ان من ساعة الحرب الا انسانية على غزة و من ساعة المذبحة اللي عملتها اسرائيل على غزة وطول ما انا قاعد على جهازي وانا بشوف دمعة من عيني وبتترسم بسمه على شفاهي

اكيد الدمعة بسبب الاطفال اللي بشوفها بتقتل كل يوم والشباب اللي بيضيع

وبتنزل دمعه للموقف العربي الاسلامي اللي اقصاه ارسال معونات طعام ودواء بيرسلوا لبقايا الاحياء في غزة

دموعنا اكيد مش محتاجة تبرير لإنها واضحة الاسباب

بس الغريب هو الغضب وبعدها الابتسامة

الغضب لأني طول ما انا قاعد وأنا بأسب واشتم وامي اللي ليس لها حول ولا قوة تسب دون اي سبب او جناية ارتكبتها

السب دا بيجيلي ليل مع نهار على يوزر الـ Skype اقل شتيمة بقراها ” يا قردة وخنازير اسرائيل يا شعب مصر ” لا أعلم ما سبب هذا السب ولكن دائما ما يكون ردي جزاك الله خيرا على اعطائي حسناتك ان كانت لديك او حمل ذنوبي لأنها كثيره

الموضوع انا بكتبه مش عشان اشتكي من الشتيمة اللي باخدها كل يوم وكل دقيقه

بس بسأل عن سببها !…

ياترى انا عملت ايه اسب واهان عشانه كل دا ؟

دايما بيبقى مكتوب في البروفيل ان الجنسيه اما جزائري او تونسي

تفتكروا دول يكونوا شخصيات يهوديه وبتحاول الايقاع بين الشعوب العربيه ؟ ولا فعلا السب دا من ناس عرب جزائرين او تونسيين ؟

هو شعب مصر للدرجة دي بقى مهان لجرائم ارتكبها اليهود وسكت عنها اصحاب الكراسي؟

ام اننا فعلا نستحق هذه الإهانه ؟

ما أعرفه اني وأمي وأهلي لم نرتكب جرما ولا يوجد في يدينا غير الدعاء

هل في يدي شئ تجاه اهلي في غزة ولم أفعله ؟

هل قصرت في حق اطفال غزة لهذا استحق السب والإهانه ؟

لا أعلم ولكني سعيد بأني وجدت من يحمل عني ذنوبي

ليه بنغمض عنينا !… ونفتحها وقت ما نحب !….

مش عارف ليه لما باجي أكتب في ادينا بندردش مش بعرف أكتب مقدمات .. يمكن لأني ببقي بكتب وانا داخل الموضوع عندي فكره سريعه عاوزه اوصلها وامشي بسرعه !….

آآآآه يمكن برضك …

انا لاحظت حاجه غريبه قوي في الشعب المصري والعربي عموما وللأسف الشعب المسلم … حاسس انه سلبيه أو بداية كوسه بدون ما نشعر …. اه كوسه

طيب واحده واحده وركزوا معايا يمكن الفكره توضح أكتر …. دايما لما بنشوف غلط في أي مكان وخاصة لو كان من الدوله نبقي ثايرين واعاوزين نجري ونتكلم ونقول لأ بأعلى صوتنا دا حرام دا ظلم انتو كذ وكذا وكذا ….. وتبقي عنينا مفتوحه وعمرها ما تقفل وخاصة لو كان القرار بالظلم جاي من حد معتاد عليه زي اسرائيل وامريكا مثلا ….

بس الغريب اننا لما نلاقي الغلط من حد مش معتاد على الغلط ( من وجهة نظرنا ) وخاصة لو كان غالي علينا او قريب مننا
فجأه ……………………………. نلاقي عننا مغمضه ونتذكر قول الله ” يا أيها الذين آمنوا اجتنبوا كثيراً من الظن إن بعض الظن إثم “

ليه نطبق الآيه دي والحقيقه واضحه قدام عنينا مش مجرد ظن ؟!…

ليه مانطبقش حديث الحبيب محمد - صلي الله علية وسلم - لما أقسم وقال ” وأيم الله لو أن فاطمة بنت محمد سرقت لقطعت يدها “

ونتذكر في نفس الحديث قبل ذاك القول ” أيها الناس إنما أهلك الذين قبلكم أنهم كانوا إذا سرق فيهم الشريف تركوه وإذا سرق فيهم الضعيف أقاموا عليه الحد “

وطبعا على القياس السرقه نقيس عليها اي جرم …. والشريف نقيس عليه من نحب والفقير نقيس عليه من لا نعرف او من اعتاد على الخطأ

ليه بناخد من القرآن والسنه ما يتماشى مع اهوائنا ونترك ما يعيق مصالحنا ومصالح من نحب ؟ …
ليه بنظلم بإسم القرآن ؟…
ليه بنغمض عنينا وقلبنا وعقلنا عندما تتعلق القضيه بقريب او حبيب ؟!..
ليه بنقول انصر اخاك ظالماً أو مظلوماً ومانكملش باقي الحديث ؟!….

انا عارف ان دا وقت امتحانات ومحدش فاضي يدردش لكن اظن ان موضوع زي دا ممكن يفيدنا قبل ما نبقي رجال يدافعون عن حقوق الناس ………. او من يخول لهم القضاء في أمور الناس

وممكن يجي يقف قدامنا أخ ظالم … وغريب مظلوم

وساعتها ممكن نقول : يا أيها الذين آمنوا اجتنبوا كثيراً من الظن إن بعض الظن إثم

وأدينا بندردش … .. .

بص … هاتبص يعني هاتبص .. هي عافيه بقي .. ولو ما بصتش بالذوق هاتبص بالعافيه ماهو ما ينفعش ما تبصش
يالا بص بص بقي …. طيب مش عاوز تبص هنا ؟!… طيب بص هناك …. ايه دي بقي !.. دا انت بني أدم عندي قوي
طيب احنا هانعرف نخليك تبص ازاي … اصل انت قدامك حاجه من اتنين يا تبص يا تبص … هـــا هاتبص ولا هاتبص ؟!…


أممممممم واضح اني هيست قوي وزياده عن اللزوم ،،، مش كدا !..
بس اصلي اكتشفت ان دي السياسه المتبعه في بلدنا … اه بلدنا مصـــر … أم الدنيا .. دي البلد اللي كانت البوابه للإسلام في أفريقيا وللأسف البعض لسه فاكرها كدا
كنت اعتقد ان مصر دولة اسلاميه في يوم من الايام لكن للأسف طلعت دوله كبتشينو … اسم غريب مش كدا بس هو دا المصطلح اللي يمشي معانا لا يمشي معانا اسم دوله اسلاميه ولا اسم دوله علمانيه
لاننا للأسف لابنظهر مظاهر العلمانيه ولا مظاهر الاسلاميه .. نبقي دوله ايه ؟ اكيد كبتشينو … حاجه كدا مضروبه في قلب بعضيها مش بينلها معالم


- انت يا عم مشاكل في حاجه حصلت في عقلك ؟
* لا ياعم اصبر بس
- اصبر ايه انت داخل الموضوع من أوله بصبصه وبعدين قلبت علي موضوع تاني خالص !.
* ما انا جايلك في الموضوع اهو ….

دلوقتي لما خلوا كل القنوات الفضائيه ( او معظمها علشان مش عاوزين قلق ) قنوات خليعه بنسبه 75% علشان مانظلمش الناس اصل في ابشع من كدا .. قلنا ساعتها ياناس ياهو اتقوا الله فينا

+ قالو: لأ ….مكانك ،،،،، هنا وتقف حريتك تنتهي عندما تبدا حرية الأخرين مش عاجبك اقلب المحطه بس مع بتنجانا سينما مش هاتقدر تغمض عنيك وانت ونصيبك ياتقلب يا ماتعرفش تغمض
* قولنا حــــــــــــــاضر نغير المحطه أقولك نشيل التليفزيون من البيت ونعمل مشروع بلاي ستيشن اهو برضه يجيب تمنه

طيب يا سعادة الـ(++++++) الموقره لما قولتوا حريه ومش عاجبك اقلب ،،، طيب والمترو يا ناس ،،،، مترو الانفاق احنا ليل مع نهار راكبين في المترو ،،،المترو بيركبو اكتر من عشره مليون مسلم يوميا
بدال ما تشغلوا خطب او اناشيد دينيه تشغلوا واحده كل اللي عليها تقول ( بص عليا بص ) ولا واحده تقول ( انا بعشقك ) واللي فقعني اكتر واحد بيقول ( نزلي السبت احطلك قلبي فيه )

بالله عليكم يعني الحكايه مش ناقصه فاقعه ،،، التليفزيون وبطلنا نتفرج عليه ، الشارع وبنمشي مغمضين علشان ما نبصش على حد ،النت وعملنا بلوك للمواقع المخله

المترو بقي نعمل فيه ايه ؟ !… نغير المحطه برضه ؟


بالذمه بقي مش دوله كبتشينو ؟

يالا ادينا بيتحرق دمنا ….وبرضه بندردش ورانا ايه !…